El Team Fiore l’è nasü insci par cas
tra un grapin e l’altro a sem dai gas.
A sem conosü in Siberia
dove u gira mia gent seria.
Un soci tira l’altro soci
“Scià che nem ai Olimpiadi da Sochi.
Per tegni una scova e tiraa dü sass
ug varaa bè mia laureass
El nümer vün u perd la pazienza
quand i altri i stüdia tir da fantascienza.
La nümer dü la vö imitaa la Ott
ma la riesc a faa nigott.
El nümer tri, pèna e blochett a la man
u roba i trücc e u atira i fan.
El nümer quatro, chel che l’a mes in pè tüta la baraca,
da imparaa, insegnaa e inventaa mai u sa straca.
El nom «Fiore» a l’em scernü, mia propi all’ünanimità...
perché a sem una squadra che dev amò sbociaa.
La nosa bacheca per intant l’è mo pora,
se girum mia i classific sot sora,
ma a sa sganascium dal ghignaa
quant a sa trövum a giügaa.
A scaldaa el giazz e a ganasaa…. a sem fortissimmmmmmm!